Column Oprechte Dalfser Courant

 

De zunne   15-5-2013

 

Aj ’s mäns uut bedde komt is ’t eerste waj dan doet

langs de gerdienn kiekn is vandaege ’t weer wel goed.

En met een bettie geluk heffe de kachel al an

want as de zunne schient köj völle better verdan.

 

Ma ’t is nie altied mooi weer, ’t kan mangs ok bärre reangn

en aj door nie op ereaknd hebt dan valt oe de dag al teangn.

Nao reangn kump zunneschien det is een bekende spreuk

door muj mar in geleumm al is ’t nie altied leuk.

 

Veur niks giet de zunne op kuj ok vaeke heurn

hiermee wödt dan ezegd det ze geld wilt beurn.

Zie zit t’r wärmpies bi-j hef niks met de zunne van doen

dit beteeknd alleent ma weer die luu hebt een bonke poen.

 

Mangs loop iej door te puffm en zuukt schaeduuw van een boom

of springt gewoon in ’t water iej vuult oe muu en sloom.

Wat binne wi-j toch raere meansn en hebt nie völle leerd

de zunne dut zien uuterste beste ma wi-j ziet ut käts vekeerd.

 

Zo märk iej steeds ma weer de zunne is een machtig instrument

woor ovvie op de wereld komt hi-j is aoveral bekend.

Ma..as t’r  now is gien zunne was dan waaw hier kold en ärm

ik zegge uut dankbaerheid, lieve zunne haold oons wärm.

 

Werkgroep ’Dalserdialect.   Wim van Leussen.